• 
  
  

Shveysariyaning Logitech kompaniyasi iPad plashetlari uchun quyosh energiyasida ishlovchi portativ klaviaturasi taqdimotini o‘tkazdi. Logitech Solar Keyboard Folio ikkinchi va uchinchi avlod  iPad planshetlari uchun mo‘ljallangan.
Klaviatura planshet bilan Bluetooth orqali bog‘lanadi va energiyani ochiq havoda quyoshdan, xonada esa mavjud yorug‘likdan oladi. Kompaniya ma'lum qilishicha, agarda klaviatura akkumulatorlari to‘liq zarad olsa, quvvati ikki yilgacha (kuniga o‘rtacha ikki soatdan ishlatilganda) yetarkan.
  Manba: http://xabar.uz/ 

Amerikalik tadqiqotchilar (Dartmut kolleji) qalbaki tasviriy san'at asarlarini aniqlashning nisbatan oddiy usulini ishlab chiqishdi. Yangi usul «navbat bilan kodlash» deb ataladi. Uning mohiyati quyidagicha: maxsus komputer algoritmiga u rasmning o‘ziga xos qismlarini o‘rganishi va rassomning «qo‘lini tanishi» uchun rassomning asl asari elektron ko‘rinishda kiritiladi va rasm juda mayda, dearli ajralmas qismlarga bo‘laklanadi.
Tadqiqotchilarning aytishicha, ular ishlab chiqqan algoritm qalbaki asarlarda uchramaydigan, faqat muayan rassom ijodiga xos bo‘lgan mayda vizual elementlar, chiziqlar, o‘lchamlarni yuzaga chiqara oladi. Shu paytgacha bunday ishlarni san'atshunoslar, rassomlar ijodini o‘rganuvchi tadqiqotchilar, tarixchilar, kimyogarlar va hokazo kasb egalari amalga oshirib kelishayotgandi. 
Yangi dastur bir rassomgagina xos bo‘lgan va uning turli rasmlarida takrorlanuvchi badiiy fraktallarning matematik tahlili tamoyili bo‘yicha ishlaydi.
Taqdimot doirasida flamand rassomi Piter Katta Breygelning XVI asrga mansub asari 144 kvadrat (12 — eniga, 12 — bo‘yiga)ga bo‘lib ko‘rsatildi. Har bir kvadratda tizim o‘ziga xos nuqtalar, shakllar, bir rangdan ikkinchisiga o‘tish holatlarini aniq ko‘rsatib berdi. Breygel bejizga tanlanmadi, hamma zamonlarda uning taqlidchilari oz bo‘lmagan.
«Bizning ishlanmamiz madaniyat va zamonaviy texnologiyalarning tutashuv nuqtalaridan biri bo‘lib qolishidan umidvormiz, — deydi Dartmut kolleji muhandisi Deniel Rokmur. — Bu texnologiya yordamida nafaqat qalbaki asarlarni aniqlash, shuningdek, rassomchilikning taraqqiyot tarixi haqida tushunchaga ega bo‘lish, vaqt o‘tishi bilan texnologiyalar qanday o‘zgargani haqida ma'lumot olish mumkin bo‘ladi.
                                                                                               Manba: http://xabar.uz/

МТС президенти Андрей Дубовсков Интерполдан «МТС-Ўзбекистон» директори Беҳзод Аҳмедовни топиб беришини сўрамоқчи.
«МТС-Ўзбекистон»да тегишли идоралар томонидан қарийб уч ой олиб борилган текширувларда жиддий қонун бузилишлари, жумладан, пул маблағларидан мақсадга номувофиқ фойдаланиш, мол-мулкни талон-тарож қилиш, солиқ тўламаслик каби ҳолатлар аниқланган, дея ёзади Газета.rу.
Айни пайтда Беҳзод Аҳмедовнинг қаердалиги номаълум ва у Ўзбекистонни тарк этган бўлиши мумкин. Газета.рунинг ёзишича, МТС президенти Андрей Дубовсков Ўзбекистон Бош прокуратурасига хат йўллаб, «МТС-Ўзбекистон» менежерларининг қонунга хилоф амалларини текшириш борасида ҳамкорликка шайлигини билдирган.
Дубовсков МТС компанияси тез орада Интерполнинг Россиядаги бўлимига Беҳзод Аҳмедовни қидириш бўйича сўров йўллашини маълум қилган.    
«МТС-Ўзбекистон» компаниясига 1991 йилда асос солинган. Аввалига «Уздунробита» деб аталган ушбу уяли алоқа компанияси 2004 йилда «МТС-Ўзбекистон» бренди остида МТС таркибига қўшилган. Айни пайтда компаниянинг 9,53 миллион мижози бор. 

Microsoft тақдим этади: Surface планшет компьютери

Microsoft компанияси томонидан ишлаб чиқарилган Surface планшет компьютери 10,6-дюймли экранга эга (1 дюйм = 2,54 см), корпусининг қалинлиги – 9 миллиметр. У Windows 8 операцион тизимида ишлайди. ОАВ маълумотига кўра, Surface шу йилнинг кузида сотувга чиқарилади, нархи ҳозирча аниқ эмас.

Ericsson компанияси мутахассисларининг тахминича, 2017 йилга бориб дунёдаги уяли алоқа абонентлари сони деярли 9 миллиардга етади.
 
Олимлар бу пайтгача сайёрамиз аҳолиси 7,36 миллиардга етишини тахмин қилишмоқда. Демак, уяли алоқа абонентларининг сони дунё аҳолиси сонидан ортиб кетади.
 
Таъкидлаш керакки, бундай статистикада мобиль телефондан файдаланувчилар сони эмас, балки фаол SIM-карталар сони ҳисобга олинади. Бир одам бир нечта телефондан фойдаланиши мумкинлигини ёдда тутиш лозим.  
 
2012 йилнинг биринчи чорагида дунё бўйича уяли алоқа абонентлари сони 6,2 миллиардга етди. Бу пайтда сайёрамизда 7,018 миллиард киши яшаётгани қайд этилган.
 
Уяли алоқа абонентлари сони айниқса Хитой ва Ҳиндистонда шиддат билан кўпаймоқда. Жорий йилнинг январь-март ойларидаги ҳисоб-китобга кўра, Хитойда 39 миллионта, Ҳиндистонда эса 25 миллионта янги абонент пайдо бўлган.

IBM компанияси томонидан яратилган Sequoia суперкомпьютери энг тезкор деб эътироф этилди.  
 
Шундай қилиб Sequoia Япониянинг Fujitsu компанияси ишлаб чиқарган K Computerни тезлик борасида иккинчи ўринга тушириб қўйди.
 
Янги суперкомпьютердан ядровий қуроллар моделларини яратишда фойдаланиш кўзда тутилган, бу эса ер ости синовлари ўтказишга ҳожат қолдирмайди.
 
Sequoia АҚШ Энергетика вазирлигининг Калифорниядаги лабораториясида ўрнатилган.
 
1,5 миллионта процессори бор суперкомпьютер 6,7 миллиард одам 320 йил давомида оддий калькуляторда амалга оширадиган ҳисоб-китобни 1 соатда уддалайди.
 
Ҳозирда дунёдаги энг тезкор 10 компьютернинг 3 таси америкаликларга тегишли. Немислар ва хитойларда 2 тадан, Япония, Франция ва Италияда 1 тадан суперкомпьютер бор.

Apple маҳсулотлари машҳур бўлгани сари уларнинг янги авлодларини бегона кўзлардан махфий тутиш қийинлашиб бормоқда. Янги iPadни эсласак, тақдимотидан бир неча кун аввал планшет ҳақида деярли барча маълумотлар аниқ бўлиб улгурган эди. Бу сафар хам интернетдаги бир неча манбаларда Appleнинг янги маҳсулоти булиши кутилаётган iPhone 5нинг расмлари пайдо булди.
 
9to5mac сайтида телефоннинг олд панелларининг расми жойлаштирилган.
 
iFixyouri ва uBreakiFix манбаларидаги расмлардан эса янги iPhone қандай кўринишда бўлиши ҳақида тасаввурга эга булиш мумкин.
 
Масалан, телефоннинг дисплейи каттароқ ҳажмга эга бўлади. Унинг док-коннектори эса (телефоннинг компьютер ёки заряд олиш мосламасига уланадиган қисми), аксинча, кичраяди. Янги телефоннинг орқа қисми металлдан ишланади, лекин бутунлай эмас, акс ҳолда антенна ишига халал бериши мумкин.
 
iPhone 5 нинг суратлари ҳозир пайдо бўлгани хам қизиқ. Apple янги маҳсулотини сентябрь-октябрь ойларида тақдим этиши кутилаётган эди. Лекин энди мутахассислар янги iPhone 11-15 июнда ўтказиладиган Бутунжаҳон дастурчилари конференциясида ҳам намойиш этилиши мумкин, деган тахминни илгари суришмоқда. Бу билан Apple яқиндагина Galaxy S III ни тақдим этган Samsungга ўзига хос жавоб йўллаган бўлади.

Жанубий Кореянинг LG компанияси “булутли” маълумотларни сақлаш ва уларга ишлов бериш сервислари билан фойдаланишга мўлжалланган мониторларнинг янги сериясини тақдим этди.

Янги технологиялар туфайли бундай мониторлардан бири шахсий компьютернинг ўрнини тўлиқ боса олади.

P сериясидаги мониторларнинг сири шундаки, улар мустақил равишда Интернетга улана олади, клавиатура ва сичқонча учун портларга эга. Аммо унда на процессор, на қаттиқ диск ва на тезкор хотира бор.

PC-over-IP протоколини қўллаган ҳолда, монитор фойдаланувчи томонидан киритилган маълумотларни масофадаги серверга жўнатади, у ерда маълумотларга ишлов берилади. “Булутдан” мониторга ҳимояланган канал бўйича бажарилган ишлар натижаларидан иборат график ахборот юборилади, холос.
Бундай ишлаш усули “нолинчи мижоз” номини олди, чунки фойдаланувчи машиналарида ҳақиқатан ҳам ҳеч қандай ҳисоблаш ишлари ўтказилмайди. Онлайн-сервислар ва ахборотни масофада сақлаш технологиялари ривожланиши билан ушбу технологгия офис компьютерлари ва бошқа персонал компьютерларни сиқиб чиқариши мумкин.
                                             
                                            manba:olam.uz

Simon Schubert – mo’yqalam ishlatmaydigan rassom

 
Mohir ustaning qo’lida tuproq nafis bir ko’zaga, bir parcha tosh esa chiroyli haykalga aylanishi mumkin.
Simon Schubert germaniyalik san’atkor bo’lib, u ham o’z ishlarida oddiygina material — qog’oz listlaridan foydalanadi va ularni o’ziga xos usullar bilan qatlash orqali ajoyib san’at namunalarini yasay oladi. Uning suratlarida asosan me’moriy inshootlar – turar-joy binolari aks ettirilgan. Albatta, qog’ozni buklashda qushlar va hayvonlar kabi tabiiy manzaralarni tasvirlashdan ko’ra liniyalarni aks ettirish imkoniyati ko’proq.  
Quyida Simon Schubertning ishlaridan namunalar keltirmoqdamiz.
 

• bu qiziq

O’zbekiston aloqa va axborotlashtirish agentligi ma’lumotlari va dunyo uyali aloqa bozorini o’rganuchi kompaniya – “Altimo” taqdqiqotlarining ko’rsatishicha, O’zbekistonda uyali aloqa abonentlari soni 24,3 milliondan oshadi. Bu jami aholining 80%deganidir.  
“Altimo” reytingiga qaraganda, O’zbekiston mobil aloqa indeksi bo’yicha dunyoning 10 ta yetakchi mamlakatlari qatoriga kiradi. Bundan tashqari, mamlakatdagi mobil xizmatlar dunyodagi eng arzonlaridan sanaladi.
Bugungi kunda beshta uyali aloqa operatorlari aholiga xizmat ko’rsatib kelmoqda: GSM andozasida ishlovchi «Uzdunrobita» («MTS-O’zbekiston» savdo belgisi ostida), «Unitel» («Beeline» savdo belgisi) va «Coscom» («Ucell» savdo belgisi), CDMA andozasida faoliyat ko’rsatuvchi «Rubicon Wireless Communication» («Perfectum Mobile» savdo belgisi) va “O’zbektelecom” AKning “O’zbektelecom mobile” filiali («Uzmobile» savdo belgisi).
O’zbekiston aloqa va axborotlashtirish agentligi ma’lumotlariga ko’ra, hozirda Internet tarmog’i foydalanuvchilari soni ham muttasil oshib bormoqda: 7,6 million kishi Internetdan foydalanadi va shulardan 4,27 million nafari uyali aloqa orqali tarmoqqa chiqadi.
Mobil Internet foydalanuvchilari sonining doimiy ortib borishi uyali aloqa operatorlari tarmoqlari oldiga qo’yiladigan talablarni oshirmoqda. Ma’lumotlarni uzatish tezligi hamda sifatining oshishi shiddatli davrimiz talabi bo’lib bormoqda. 2009 yilda mamlakatdagi uch nafar uyali aloqa operatorlari uchinchi avlod tarmoqlari (3G)ning barpo etilishiga litsenziyalarni qo’lga kiritdilar. Bu tarmoqning oldingilaridan farqli jihati shundaki, 3G tarmoqda uzatiladigan ovozning sifatini yanada oshirib, yuqori tezlikdagi Internet va multimediya imkoniyatlarini taqdim etadi. 
Shuni ham eslatib o’tamizki, MDH mamlakatlari orasida birinchi bo’lib to’rtinchi avlod uyali aloqa xizmati – 4G ni yo’lga qo’ygan mamlakat ham O’zbekiston bo’ladi.
 
Manba: olam.uz
 

Dizayner Pol Batt mobil aloqa tarixiga murojaat qilib, eng ko’zga ko’ringan apparatlarlar aks ettirilgan infografikani taqdim etgan.
 
Uyali telefonlarining o’tmishi avtomobillarga o’rnatilgan aloqa qurilmalariga borib taqaladi. Biz bilgan ko’rinishdagi birinchi uyali telefon apparati esa Motorola kompaniyasi tomonidan ishlab chiqilgan DynaTac prototipidir. U 1973 yilda Nyu-York sharhi ko’chalarida ilk bor sinab ko’rilgan. Ammo, uyali telefonning tijorat versiyasi bozorda taklif qilinguniga qadar oradan 10 yil o’tdi. O’sha vaqtdan buyon apparatlar hajmi tobora kichrayib, vazni esa yengillashib bordi. Yangidan-yangi funksiyalari paydo bo’ldi. Umuman olganda, uyali telefonlar insoniyat tarixida eng jadal rivoj topgan va joriy qilingan texnologiya hisoblanadi.

1983. Birinchi uyali telefon apparati — Motorola DynaTac 8000X’ning og’irligi 794 gramm bo’lgan. Uning batareya quvvati yarim soat suhbat va 8 soat avtonom rejim uchungina yetarli bo’lgan. Ekrani — ko’pi bilan 7 ta belgini sig’dira oladigan qizil LeD.  
1989. Motorola microtac 9800X manzillar kitobchasi va valyuta konverteriga ham ega bo’lib, og’irligi 349 grammni tashkil qilar edi. So’zlashish vaqti esa 0.75 soatga oshirildi. Ekrani — ko’pi bilan 8 ta belgini sig’dira oladigan qizil LeD.
1993. Nokia 2110 250 tagacha nom va raqamlarni saqlay oladigan xotira bilan ta’minlandi. Og’irligi 236 gramm. Avtonom ishlash vaqti 30 soatga, so’zlashuv vaqti 2.7 soatga oshirildi. Oq-qora LCD ekran va vibratsiya.
1998. Nokia 5110 – ommaviy foydalanilgan dastlabki apparatlardan biri. 30 tagacha ringtonni qo’llab-quvvatlagan. Logic, xotira a iloncha kabi o’yinlari bor edi. Yuza qismini almashtirsa bo’ladigan dastlabki uyali telefon apparati. Og’irligi 170 gramm.
2000. Ericsson T28 kelishi bilab ovoz yordamida raqam terish yoki trubkani ko’tarish mumkin bo’ldi. Og’irligii atigi 83 gramm bo’lib, o’z vaqtining eng yupqa va yengil telefoni hisoblangan. Motorola boshlab bergan “raskladushka” an’anasini qaytadan kiritdi. So’zlashuv vaqti ikki soatga oshirildi.
2001. Nokia 3310 – hammamiz bilgan va yaxshi eslaydigan “g’isht” telefon (og’irligi 133 gramm, so’zlashish vaqti – 4.5 soat). Nokia bu telefondan 126 milliontasini sotishga muvaffaq bo’ldi. Bu ko’rsatkich esa kompaniyaning 1991 va 1998 yillar orasida sotgan boshqa barcha telefonlari miqdoridan 26 millionga ko’pdir. Aksessuarlar bozoriga katta ta’sir ko’rsatdi.  
2004. Motorla RAZR V3 – 24 kanalli polifonik ringtonlar va mp3 formatini o’qish imkoniyati. 640x480 pikselli VGA kamera. Uyali telefonlar orasida eng yupqasi (15 mm.). 100 milliondan oshiqrog’i sotilgan. So’zlashish vaqti – 7 soat.
2007. Apple iPhone – birinchi smartfon. Bozorga chiqarilgan dastlabki kunlari (shanba va yakshanba) 700 ming dona sotilgan. 320x480 piksel hajmga ega sensorli ekran, Wi-Fi, Bluetooth va GPS. Og’irligi 135 gramm, so’zlashish vaqti 8 soat.  
                          
                                                       Manba: infoteka.uz/

Google korporatsiyasi fotosuratlar va videotasvirlardan kishilar qiyofasi orqali shaxslarni aniqlay oladigan dasturiy ishlanma sohibi – PittPatt kompaniyasini sotib olgan. Ushbu kompaniyaga 2004 yili Genri Shnayderman tomonidan asos solingan.
Google da shunga o’xshash xizmat (Google Goggles) allaqachon yo’lga qo’yilgan bo’lib, u binolar, haykallar hamda boshqa diqqatga sazovor  joylarning suratini telefon orqali olib, ular haqida ma;lumotlarni topib beradi (bu narsa sayyohlar uchun ayniqsa qulay). Endi esa qidiruv giganti kishilarning surati va videosi orqali ularning kimligini aniqlab bera oladigan xizmatga ega bo’ldi. Taxminlarga ko’ra, yangi xizmat Google Goggles ga yaxshi qo’shimcha bo’lishi mumkin. 
Googlening o’zi shu paytgacha PittPatt texnologiyasini qanday maqsadlarda va qay yo’sinda foydalanishini aytib chiqmagan bo’lsa-da, tahlilchilar odatdagidek o’z taxminlarini bildirib o’tdilar: chehralarni taniy oladigan texnologiya Google+ ijtimoiy tarmog’i uchun mo’ljallangan bo’lishi mumkin. Bu bilan esa Google Facebookga bo’lgan raqobati darajasini yanada oshiradigan ko’rinadi. Facebook o’z vaqtida huquq himoyachilari va faol foydalanuvchilar tomonidan suratlarning teglanishi (foydalanuvchilardan so’roqsiz, albatta) yuzasidan tanqid o’qi ostiga olingan edi. Google vakillari bunday holatlarning oldi olinishi, foydalanuvchilar haqidagi ma’lumotlarning tarmoqda sir tutilishi masalasiga jiddiy qarashlarini aytib o’tishgan. 
                                                                          Manbaa: http://infoteka.uz/

Endi Google yordamida suratlarni nafaqat kalitso’zlar, balki suratlarning o’zi yordamida ham qidirish mumkin. Ya’ni, Sizga kompyuteringiz xotirasida saqlanayotgan yoki Internetdagi biror surat haqida qo’shimcha ma’lumot kerak bo’lib qolsa. Buning quyidagicha yo’llari bor:

• yangiliklar

Bugun Gong-Kong shahrida Google va Samsung kompaniyalari tomonidan Android 4.0 (Ice Cream Sandwich) bilan boshqariladigan Galaxy Nexus telefoni taqdim etildi. Nozikkina ko'rinishga ega bu smartfon yuqori aniqlikdagi (720 piksel), 4.65 dyuym o'lchamdagi kontur displey va «yashin tezligida» ishlovchi ikki yadroli 1.2ghz lik protsessor bila ta'minlangan. So'nggi avlod 4G LTE tarmog'ida ishlay oladigan yangi apparatda o'rnatilgan  Ice Cream Sandwich operatsion tizimi foydalanuvchiga oddiylik va estetik zavq bag'ishlaydi. 

 

• yangiliklar

O‘zbekiston aloqa va axborotlashtirish agentligi shu yil 14 iyundan 12 avgustgacha kompyuter o‘yinlari bo‘yicha “Uzbekistan Cyber Games Beeline-2012” O‘zbekiston chempionati o‘tkazilishi haqida e’lon qildi. Musobaqa “O‘zbekiston madaniyati va san’ati forumi” jamg‘armasi, “Kelajak ovozi” yoshlar tashabbuslari markazi hamda “infoCOM.UZ” jurnali tomonidan tashkil etildi. “Bilayn” savdo belgisi ostida faoliyat ko‘rsatayotgan “Unitel” mas’uliyati cheklangan jamiyati birinchilikning bosh homiysi hisoblanadi.
Shu munosabat bilan bo‘lib o‘tgan matbuot anjumanida O‘zbekiston aloqa va axborotlashtirish agentligi bosh direktori X.Mirzohidov Prezidentimiz Islom Karimovning 2012 yil 21 martda qabul qilingan “Zamonaviy axborot-kommunikatsiya texnologiyalarini yanada joriy etish va rivojlantirish chora-tadbirlari to‘g‘risida”gi qarori yosh avlodni ilg‘or axborot-kommunikatsiya texnologiyalarini o‘zlashtirish jarayoniga keng jalb etishga xizmat qilayotgani va turli kompyuter o‘yinlari kabi intellektual ta’lim shakli ham bu jarayonga yordam berayotganini ta’kidladi.
O‘zbekiston vakillari 2003-yildan buyon “World Cyber Games – 2004-2008” jahon chempionatlari va 2007 hamda 2009 yillarda yopiq inshootlarda o‘tkazilgan Osiyo o‘yinlarining saralash turnirlarida ishtirok etib kelmoqda. Shu yillar mobaynida vakillarimiz salmoqli yutuqlarni qo‘lga kiritdi. Masalan, Osiyo Olimpiya kengashi ko‘magida Makaoda o‘tkazilgan AIG-2007 va Vetnamda bo‘lib o‘tganAIG-2009 Osiyo o‘yinlarida ular ikkita kumush hamda ikkita bronza medaliga sazovor bo‘ldi. Bu esa ularning yuksak salohiyatga ega ekanidan dalolat beradi.
Bu galgi “UCG Beeline-2012” rasmiy o‘yinlari dasturiga “Counter Strike 1.6”, “Dota All Star 5×5” jamoa o‘yinlari, “NFS Most Wanted”, “FIFA” o‘yinlari kiritilgan.
Chempionat ikki bosqichdan iborat bo‘lib, iyun-iyul oylarida Buxoro, Samarqand, Farg‘ona, Qarshi, Nukus va Toshkentda hududiy saralash turnirlari tashkil etiladi. 11 avgust kuni poytaxtimizdagi Yoshlar ijod saroyida “UCG Beeline-2012” musobaqasining milliy final bosqichi o‘tkaziladi.
O‘zbekiston chempionati yakunlari bo‘yicha navbatdagi “WCG-2012” jahon chempionati va 2013 yili Janubiy Koreyada yopiq inshootlarda o‘tkaziladigan Osiyo o‘yinlarida ishtirok etadigan mamlakatimiz terma jamoasi shakllantiriladi.